موضوع مهم جدًا ولازم ناخد بالنا منه عند بداية المشروع علشان نضمن نجاح المشروع أولًا وبقاؤه واستمراريته ثانيًا .

عناصر أى مشروع هى الفكرة والخبرة والإدارة ورأس المال وكل واحد من الأربعة دول تحتها عناصر كتير يعنى :

1- الفكرة دى ممكن تبقى فكرة جديدة على مستوى البلد مثلًا إنما متطبقة فى أماكن تانية وممكن فكرة جديدة لمشروع قائم بالفعل وممكن تبقى فكرة تعديل لمنتج أو خدمة ولازم تقدر بنسبة ممكن تبقى نسبة كبيرة وممكن تبقى صغيرة (ممكن توصل ل10% مثلا من رأس مال المشروع) .

2- الخبرة ودى حط تحتها العلم وحط تحتها العلاقات جوا المجال وحط تحتها التجربة وتعب السنين ومعرفة المجال وبيجى منين وبيروح فين وهكذا وده برضه له نصيب من رأس مال المشروع ممكن يوصل برضه ل 10% .

3- الإدارة وده عنصر ممكن ينجح باقى العناصر أو يخليها كلها تفشل من أول تكوين فرق العمل لحد التعامل مع العملاء والموردين وفتح الشركة أو المحل كل يوم والإشراف على البضاعة والمخزن وكل ده فى الآخر برضه له نسبة قد تصل ل25% من رأس المال .

4 – رأس المال وهو عصب الحياة وأساس المشروع وهتلاقينى بفرق بين رأس المال Capital وبين المال Cash لأن كل العناصر التانية جزء من رأس مال المشروع والمال ده ممكن يبقى كاش وممكن يبقى فى صورة محل أو قطعة أرض أو أجهزه أو معدات .....الخ

كدة باختصار شديد إحنا قلنا عناصر المشروع طيب فى الآخر عايز أقول إيه ؟ هنتكلم عنها فى حلقة تانية ان شاء الله