puma

يقولوا ان القطط بسبع أرواح .. لكن "puma" قطة مش محتاجة غير روح واحدة 

"puma" من أكبر الشركات المتخصصة فى الملابس والأدوات الرياضية على مستوى العالم واللى استخدم منتجاتها كبار اللاعبين ومشاهير الرياضين فى مختلف أنحاء العالم على مر العصور .

البداية كانت متواضعة وفيها نوع من المثابرة من الأخوين "رودولف" و "أدولف داسلر" ورغبة كبيرة فى صناعة أحذية رياضية .. بدأوا فى إنشاء مصنع الأخوين "داسلر" لصناعة الأحذية الرياضية سنة 1924 وكان أول ظهور ليهم على الساحة الرياضية من خلال دورة الألعاب الأوليمبية سنة 1936 من خلال ارتداء الأبطال الرياضيين لأحذية "Puma" وتتويجهم بالميداليات المختلفة على منصات التتويج .

تم الاتجاه لتأسيس شركة "Puma" لإدارة المصنع سنة 1984 وتم تقسيم أصول المصنع بالتساوى بين الإخوة "داسلر" وفى نفس السنة تم إطلاق أول حذاء كرة قدم من إنتاج شركة "Puma" وكان باسم "Atom" أو الذرة .. وكانت أول مساهمة لحقيقية وكبيرة شركة بوما فى مجال أحذية كرة القدم سنة 1952 هى طرحها للنسخة المعدلة من "Atom" وهو ال "Super Atom " واللى كان مزود ببروزات فى النعل عشان يمنع التزحلق على النجيلة وفى السنة اللى بعدها طورت "Puma" نسخة معدلة من الحذاء وسميتها "Brazil" أو البرازيل وزاد من شهرة "Pumaa" عالميأً هو فوز المنتخب البرازيلى لكرة القدم ببطولة كأس العالم بالسويد سنة 1958 واللى كان الحذاء الرسمى فيها للمنتخب البرازيلى هو "Pumaa" .

فى الستينات ذاع صيت "Puma" لأنها قدرت تتطور تقنية جديدة اسمها "Vulcanization" وهى باختصار إضافة مادة الكبريت للمطاط عشان يبقى أكثر متانة ودرجة تحمل أكبر بالإضافة لتقسيم النعل لخطوط زى الموجودة فى كاوتشات العربيات واللى خلى الأداء العام لأحذية "Puma" متمير جدًا فى الفترة دى واللى دعم الأداء ده هو فوز رياضين من العيار التقيل زى "بيليه" لاعب كرة القدم البرازيلى و"إيزيبيو" لاعب كرة القدم البرتغالى بمباريات مهمة وكانت طبعًا "Puma" فى صدارة المشهد .

سنة 1967 تم تقديم الشعار المميز ل"Puma" للعالم وهو القط المشهور على ايد رسام الكارتون "لوتز باكس" وتم تطويره سنة 1979 عشان يبقى العلامة المميزة ل "Puma" على كل منتجاتها بالشكل الحالى .

استمر تألق "Puma" فى السبعينات والتمانينات والتسعينات واستمر تقديم المنتجات المبتكرة وحتى بداية الألفية الجديدة وشفنا فى كأس العالم الأخير 2014 فى البرازيل منتجات تم تقديمها لأول مرة على الساحة الرياضية واللى كان منها الحذاء الرياضى "evopower" .

قصة "Puma" بتوضحلنا البداية المتواضعة والبسيطة وازاى قدرت الشركة انها تتطور منتجاتها بشكل مستمر عشان تكبر وتبقى شركة عالمية بتقدم منتجات ليها سمعة ممتازة .